24 November 2016

Мой кот

   Заўсёды марыла абзавесціся катом ці коткай. Я канечне здольная на неабдуманыя учынкі, але толькі не ў гэтым выпадку. Мая сястра дапамагае валанцёрам і бярэ час ад часу коцікаў на ператрымку. План быў такі: узяць на пэўны час, а калі мы спадабаемся адзін аднаму, то пакінем гадаванца назаўсёды. Хацела кагосьці прыгожага і прышпільнага )))
Упэўнена, што Бог не займаецца такімі дробязямі, таму скажу, што ў космаса план быў іншы. Кот сам мяне знайшоў, выбраў і дазволіў стаць яго гаспадыняй.
   Вось такое калматае дзіва з'явілася на нашай базе. Па паводзінах было відавочна, што ён хатні, вельмі ласкавы і дэлікатны. Думалі, што прыходзіць з прыватнага сектара, але яго стан быў вельмі дрэнным: вага ўсяго 2,38 кг. Прагледзела сайты, яго ніхто не шукаў. Кармілі і ціскалі ўсе, чаму ён выбраў мяне... загадка... Я дакраналася да гэтага ката толькі некалькі разоў, калі праводзіла яму санітарную апрацоўку і калі выразала і вычэсвала каўтуны.
Да свайго працоўнага стала забараняла нават набліжацца. Такія нахабныя здымкі зрабіў калега, канечне ў маю адсутнасць. Можа ўсё так і засталося, але ката не прынялі вартавыя сабакі, як убачаць ці пачуюць яго, адразу арганізоўвалі паляванне. Кожны паход "да ветру" для ката быў вельмі небяспечны.
Вырашыла, што забяру яго, калі зразумела, што ўвесь час у галаве толькі адна думка: "Як там Кот?" Спытала дазвол у мужа і папярэдзіла, што кот не вельмі прыгожы, на што ён адказаў, што ўвогуле не разумее, як кот ці сабака можа быць непрыгожым. Не ну сапраўды аж мову аднімае ад такой прыгажосці ))))

Думала забяру, калі куплю і падрыхтую ўсё неабходнае, а ў выніку проста пасадзіла на калені і павезла да дому. 
Вось і ўсё... Насамрэч гэта 100% мой кот, ідэальны, самы прыгожы і вельмі разумны. Мянушку не прыдумалі, так і клічам - Кот ))) 

4 comments:

  1. Когда-то слышала, что не бывает нелюбимых собак, думаю это относится и к кошкам, бывают нелюбимые.

    ReplyDelete
  2. В итоге оказался очень даже красавчик! К счастью!

    ReplyDelete
  3. Ой, какой красивый!

    ReplyDelete
  4. я не адзін раз ужо чула, што каты самі нас выбіраюць :) мы вось таксама ў роздуме...
    апошняе фота - проста шыкоўнае!!!

    ReplyDelete

LinkWithin

Related Posts Plugin for WordPress, Blogger...

LinkWithin

Related Posts Plugin for WordPress, Blogger...