28 December 2015

Навагодняя цукерка-загадка.

Усё проста, трэба назваць/напісать пять маіх любімых навагодніх фільмаў. Той хто першы здагадаецца, атрымае ад мяне цукерачку. Прыдумала толькі-толькі, таму прабачце, цукерку яшчэ не падрыхтавала ))) Кожнаму фільму адпавядае адзін кадр (не самы вядомы і відавочны) з гэтай жа кінастужкі. Усе фільмы, акрамя апошняга, уваходзяць у спіс лепшых навагодніх і калядных стужак. 




Ну як, вельмі складана?

22 December 2015

Вокладкі на пасведчанні аб шлюбе

Гэта не фотаздымкі чорна-белыя, гэта мабыць у мяне такі настрой быў )))
Першая вокладка для пасведчання, якому ўсяго некалькі месяцаў, таму такая рамантычная.
 
 А гэтая вокладка будзе захоўваць пасведчанне, якому ужо 17 гадоў.
Як ніколі сёння спяшалася на працу, нарэшце далі інтэрнэт! )))) Таму пісаць няма калі, трэба яшчэ да ўсіх завітаць і паглядзець, як вы рыхтуецеся да Новага году.

20 October 2015

Стужак шмат не бывае - 2 (невялічкі майстар-клас).

Стужак у мяне шмат і выкарыстоўваюцца вельмі часта. Хацела нейк арганізаваць хоць частку стужак, якім ужо няма месца ў скрынях. Тым больш скрыні і скрыначкі трэба некуды ставіць, на стале і палічках месца зусім няма, а вось сцяна побач пустая.

02 October 2015

Мяшочак. Першая вышыўка стужкамі.

Касачы ці ірысы (батанічная назва менавіта касачы, сямейства касачовыя) вышывала па Танінай кніжцы. Самі кветкі вышывала атласнымі стужкамі, што былі ў мяне ў наяўнасці, а для сцяблінак і лісточкаў купіла шаўковыя стужкі.

Вышываць вельмі спадабалася, можа не ўсё добра атрымалася, але мне ўжо заказалі паўтор гэтага мяшэчка. Не хочацца... хачу нешта іншае паспрабаваць. Зараз на ўсе кветкі, што трапляюцца, гляджу другім вокам ))) адна думка, як іх можна вышыць )))

28 September 2015

Цукерка-неспадзяванка )))

Не, ну мне безумоўна шанцуе! Уявіце сабе, мне зноў дасталася цукерка. Атрымаць цукерку, пра якую зусім забылася і зусім не чакаеш, яшчэ прыемней. Цукерачка прыехала да мяне з Брэста, ад Наташы (hibou). Наташа робіць фантастычныя альбомчыкі (я зайздрошчу) і розныя скрап-рэчы, яе фотаздымкі заўсёды цікавыя, усім можна пацікавіцца і палюбавацца ў блогу Маленькая радость.
 Ну згадзіцеся - прыгажосць! Кветак не злічыць, так шмат, усе розныя. Пра націркі шмат чула, а вось у руках трымаю першы раз, файная рэч. Усё астатняе вельмі патрэбныя рэчы: скотч, фурнітура, добры такі кавалак мешкавінкі (мяркую, першая разыйдзецца).
 Яшчэ я атрымала паштоўку, на адваротным боку прыемныя словы на беларускай мове, вельмі кранулі. Здагадайцеся, які ў мяне зараз дэвіз?
Дзякуй, Наташачка! Усё суперфайнае, усё вельмі спадабалася! 

24 September 2015

Дашываю хвасты.


Памятаеце, паказвала тут свой недарэчны чахол на машынку. Дык вось, нарэшце, дашыўся кошычак і прыдумала, што зрабіць з апошняга кавалка (Лера, дзякуй!) На касметычку ці пенал гэты кавалачак вельмі добра падыходзіў.

13 September 2015

Выхваляльнае.

Сёння хачу пахваліцца сваімі новымі каштоўнасцямі. Першая самая грандыёзная і доўгачаканая рэч - гэта кніга...  якую Таня (Touch) разыгрывала ў якасці цукеркі у сваім блоге Прикосновение...

Даўно марыла аб такой кнізе - вельмі падрабязнай, з пакрокавымі інструкцыямі,  каб былі прапісаныя складаныя рэчы і самыя азы. Бачыце, у мяне нават ужо пяльцы ёсць ))) Кніга вельмі цікавая і выглядае сур'ёзна.

10 August 2015

Камплект "Зімовыя совы"

Нарэшце я дарабіла і аддала ўсё дакументы і паперы аднаму ІПшніку, з-за якіх я не магла ні самаробнічаць, ні проста атрымліваць асалоду ад лета. Я зноў існую! Каб я яшчэ раз згадзілася на такое... не-е-е, лічбы не для мяне. За гэты час так згаладалася па шыццю, што адразу замахнулася на грандыёзны (для мяне) праект - пледык і падушачка. У нашай вялікай сям'і адбылася сур'ёзная падзея - нарадзілася першая праўнучка, ёй і пашыўся гэты камплект. Так смешна, адна мая цётка нават яшчэ і ні разу не бабуля зусім,  а другая, яе родная сястра,  ўжо прабабуляй стала.

25 June 2015

Фотазаданне "У свеце жывёл"

   Суседскі кот (можа котка), дзікаваты, вельмі асцярожны, прыйшоў на пах рыбы, якую мама чысціла на надворку. 
   Гляджу я нашыя веснічкі і не разумею, навошта яны ))) толькі што карова ці свіння не зойдзе, дык не ходзяць па вёсцы ўжо ні каровы ні свінні. А помню аднойчы суседская свіння такая здаровая ну проста вялізарная, легла і прываліла веснічкі, бо як раз у тым месцы густы цянёк быў. Паўгадзіны ўжо ляжыць, а мне да цётцы на ровары ехаць трэба. Думала пералезці цераз плот і пешшу пайсці, а як вяртацца тады з торбамі... Я паспрабавала спачатку яе расштурхаць веснікамі, потым венікам біла, а ёй хоць бы хны, ляжыць відаць падабаецца. Выліла на яе цёплай вады з начоўкі - ёй нічога. Ну тады я выцягнула вады ўжо са студні. Выліла. Свіння здрыганулася, рохкнула незадаволена, марудна паднялася і пайшла, ну і я паехала... Вось такая гісторыя пра нясмелыя спробы прагнаць паважаную жавёлу.
  
З першым фотаздымкам прыму ўдзел у фотазаданні "В мире животных" ад Кафэ Скрапо-Мама.

16 June 2015

Сурвэтка № 2


У мяне зноў сурвэтка. Схема знайшлася ТУТ. Блакаванне выпадкова зрабіла інакш, таму яна трошкі адрозніваецца ад арыгінала.
Пабегла працаваць, у наступны раз абяцаю, словаў будзе больш )))

15 June 2015

Фотазаданне "У свеце жывёл"

Гэта Сціві, ён жа Сцівончык, малодшы брацік Вені. За кавалачак сыру згадзіўся імгненне пастаяць спакойна, нават зрабіў выгляд разумнага сабакі ))) 
Добра ведае некалькі каманд, галоўныя з якіх: "А ці можна?!" (апошняе папярэджанне), "Так!" (азначае, што ў гаспадыні скончылася цярпенне),  і "Дзе тапак?!" (без каментарыяў). 
А тут Сціві абараняе падваконне ад усіх машын, людзей, катоў і канечне сабак. Адразу і не зразумееш гэта ён на ўсіх так грозна гырчыць, ці гэта ў каго вібрацыя на тэлефоне.
З апошнім фотаздымкам прыму ўдзел у фотазаданні "В мире животных" ад Кафэ Скрапо-Мама.

01 June 2015

Бразготка і камфортар

Не ведаю, што гэта ці хто, нехта кажа, што атрымалася муха ці пчала, нехта - самалёт )))  Бразготку можна адзець на ручку ці на ножку. 

28 May 2015

Прыхопка-рукавічка

Спяшаюся паказаць сваю рукавічку. Шыла па майстар-класу Наташы. 
 Вельмі страшна было пачынаць, але як кажуць: вочы баяцца, а рукі робяць. Сшываць такія дробненькія шасцівугольнікі - гэта сапраўдная медытацыя. 
Каб вы толькі ведалі з якога смецця пашылася рукавічка ))) а зараз і карыстацца шкада  )))
Дзякуй, Наташа, за майстар-клас, за новы досвед, за новае захапленне!!!

19 May 2015

Водладка на пасведчанне аб нараджэнні і цюльпан

Вельмі падабаецца самаробнічаць на дзіцячую тэму, такія замовы не так часта бываюць, і таму ніколі не адмаўляюся. Каб былі свае дзеці, можа было б па-іншаму ))) 
 
Фота незвычайнага цюльпанчыка зрабіла для фотапроекта "Ассоциации" - "Нежность", скарысталася ведамі пра высокі ключ, каму цікава - сюды.

Ой, як мне падабаецца банар!!!

09 May 2015

Сурвэтка



Сурвэтка звязалася маме, замест нейкай недарэчнай фіялетавай, зусім палінялай, якую я звязала яшчэ ў школе. Можа хоць зараз яна выкіне гэтае страхоцце )))

06 April 2015

Холдар № 3

Прабачце, але я зноў з холдарам. Ну што зробіш...перфекцыянізм, каб яго ... Гэты арганайзер ужо і самой падабаецца, такі і падарыць не сорамна. Шыла па майстар-класу Марыі, што вядзе блог M'art



Пакажу холдар у "Рукадзельным кафэ"

30 March 2015

Холдар № 2

Шыла па майстар-класу Марыі, што вядзе блог M'art. Тое-сёе змяніла. Зноў неідэальны, пэўна застанецца мне )))