Адвэнт-каляндар № 2

Спачатку віншую ўсіх, хто сёння святкуе Божае Нараджэнне, свята, якое прыносіць надзею і вялікую радасць! Асаблівыя прывітанне і віншаванні дасылаю каталікам з Гродзеншчыны ))). 

Набліжэнне гэтага свята, святочны настрой і сумленне, якое не давала спакою, зрабілі амаль немагчымае. За два дні, з матэрыялаў, што былі ў наяўнасці, я зрабіла для хросніка адвэнт.  Гэта неканчатковы выгляд, але апошнія змены ўжо не такія значныя, я толькі напісала нумарочкі і паабразала ўсе хвасты.

Далей некалькі фота працэсу:

Навагодняй паперы не было, а срабрыстай было мала, вось i прыйшлося неяк выкручвацца.

Чырвоная стужка, што прыслала Віка, вельмі спатрэбілася.

А зараз выраб скрыначкі-зоркі.

 Мая першая спроба дэкупажу.

Чакаем калі высахне, зноў робім яе аб'ёмнай і бачым, што зморшчыны нікуды не дзеліся... робім выгляд, што так і трэба )))