У ліпені на сайце www.rebenok.by адбыўся рукадзельны конкурс "Яркае лета". У той час я амаль што скончыла развіццёвую кніжку (падарунак для цудоўнага хлопчыка Глебкі), вось яе і вырашала прапанаваць.
Гэта быу першы конкурс, ў якім прымала ўдзел мая работа, хвалявалася старашэнна. Нікому не казала пра конкурс, каб убачыць колькі аб'ектыуных балаў атрымае мая кніжка. Вынікам больш чым задаволена: 99 галасоў, тым больш фотаздымкі не лепшай якасці. Так склаўся лес, што на працягу конкурса па розных прычынах пачалі выбываць безумоўныя лідэры, і толькі з-за гэтага мая работа трапіла ў 10-ку лепшых. Дзякую ўсім, каму спадабалася мая самаробка, кожны ваш голас дадаў мне ўпэуненасці, натхнення і жадання тварыць далей.
Па ўмовах конкурсу я павінна аддаць конкурсную работу ці якую-небудзь іншую на Дабрачынны аукцыён, які адбудзецца 16 - 29 верасня. На сёняшні час я не маю нічога годнага, вось і вырашыла паспрабаваць паўтарыць развіццёвую кніжку. Вось з чаго яна пачынаецца:
)) Цудоўная кніжка, Вы малайчына! Адразу з'явілася жаданне зрабіць такую для сваёй дачушкі! А колькі прыкладна часу робіцца такая развіццёвая кніжка?
ReplyDeleteВялікі дзякуй, мне вельмі прыемна. Гэтая кніжка шылася прыкладна месяц, нажаль, у мяне ёсць асноўная праца, яшчэ я ніколі не шыю ў нядзелю і ў святочныя дні, маю на ўвазе рэлігійныя святы.
DeleteКніжка проста цуда!!! Я за яе голас аддавала :)) Толькі сёння заўважыла гэты пост, а так і не ведала б хто майстра :) Я таксама хачу сваёй дачцэ зрабіць што-нібудзь развіццёвае, але ж пакуль рукі возьмуцца, так толькі наступнаму дзіцёнку і паспею :)))
ReplyDeleteМне яна ўжо зусім не падабаецца, але мама хлопчыка расказвала, што спачатку можна было забыцца пра дзіця на некалькі гадзін.
Delete